അദ്ദിക്ർ

നാഥനില്‍ നിന്നുള്ള ഗ്രന്ഥത്തിന്‍റെ ഏറ്റവും നല്ല വിശദീകരണമായ അദ്ദിക്ര്‍ ഇന്ന് രൂപപ്പെട്ടിരിക്കെ അതിനെ തള്ളിപ്പറയുക എന്നത് ഭക്ഷണമാക്കിയിട്ടുള്ള ഫുജ്ജാറുകള്‍ 2: 168 ല്‍ വിവരിച്ച പ്രകാരം പിശാചിന്‍റെ കാല്‍പാടുകളാണ് പിന്‍പറ്റിക്കൊണ്ടിരിക്കുന്നത്. അവരുടെ കാര്യത്തില്‍ 2: 268 ല്‍ വിവരിച്ച പ്രകാരം അവരുടെ ജിന്നുകൂട്ടുകാരനാണ് ഐഹികജീവിതം ആകര്‍ഷകമായി തോന്നിപ്പിക്കുന്നത്. അവര്‍ നാവുകൊണ്ട് പ്രപഞ്ചനാഥനായ അല്ലാഹു മനുഷ്യരുടെ ദൈവവും രാജാവും ആണെന്ന് പറയാറുണ്ടെങ്കിലും, ആത്മാവുകൊണ്ട് അംഗീകരിക്കാത്തവരാണ്. 3: 26-27 സൂക്തത്തിന്‍റെ കല്‍പനക്ക് വിരു ദ്ധമായി അവര്‍ അധികാരം ലഭിക്കുന്നതിനുവേണ്ടി ജനങ്ങളില്‍ ഭൂരിപക്ഷത്തിന്‍റെ അടുക്കല്‍ പ്രതാപം അന്വേഷിക്കുന്നവരാണ്. 4: 150-151 ല്‍ പറഞ്ഞ യഥാര്‍ത്ഥ കാഫിറുകളായ ഇക്കൂട്ടര്‍ മനുഷ്യരുടെ ഐക്യം നിലവില്‍ വരാന്‍ ആഗ്രഹിക്കാത്തവരും അവരുടെ അനുയായികളോട് അതിനുവേണ്ടി കല്‍പിക്കാത്തവരുമാണ്. അതുവഴി അവര്‍ മസീഹുദ്ദജ്ജാലിനെയും അന്ത്യനാളിനെയും ക്ഷണിച്ചുവരുത്തിക്കൊണ്ടിരിക്കുന്നവരാണ്. 4: 29-33; 6: 112; 8: 24 വിശദീകരണം നോക്കുക.